admin على كرسي الإعتراف

اهلين تهاني

انا بالمرة الاولى سمعت الكلام وما صوتت لك

وكمان السلطان الحائر اخوية وما بتتخيروا عن بعض

بس هالمرة ما فيكي تهربي

اسئلتي اللي ضايقت مصطفى حطرحها عليكي برضه ههههههههههههههههههههه

وبعديها حختفي حفاظا على روحي

- قبل النوم هل بتفكري كتير؟ وبشو بتفكري غالبا؟

-شو اكتر شي ندمتي عليه؟

- لو حياتك رواية شو عنوانها؟

- هل بتحبي الغموض وهل شخصيتك غامضة للكثيرين؟

هههههههههههههه لسا الاسئلة الجامدة في الطريق

كان نفسي أشارك المرة الأولى بس للأسف جهازنا عطل

أبدا لأسأل عمتو حبيبتي : اتحملي غلبتنا شوي:
1)شو كان نفسك يكون في حياتك لكن مستحيل يتحقق؟
2)مين أكتر شخص يفهمك وتحسيه قريب من شخصيتك؟
3)متى كانت أحلى فترة من عمرك؟
4)لو كنت مخيرة بين انك تبقي بغوة بظروفها وبين انك تعيشي ببلد تاني ما بتقطع فيه الكهربا ههههههه.شو بتختاري؟
5)مين أكتر شخص من معارفك حابة تلتقي فيه ولو ليوم؟
6)شو لونك المفضل؟وشو اكتر اسم بتحبيه للبنت والولد؟
7)شو أحلى هدية حابة تهدى الك؟
8)انا لاني بعرفك ما شاء الله انت عندك الثقة بالنفس؟لهيك شو الصفات الي تحبيها بنفسك؟
9)لما بتضايقي مين بخفف عنك همومك؟
10)مين اكتر شخص من قرايبك تحسيه طيب كتير وحنون ؟ومين أكتر شخص خيب أملك في يوم من الأيام؟
بكفيكي هاي الأسئلة هلأ وبعدين برجع بأسئلة جديدة

السلام عليكم

كل عام وانتم بخير جميعا

امممممم الكرسي هاد حاسة اني شفته قبل كدة وقعدت عليه ههههههههه
بس متعب وبيهلك الاعصاب
وتلبية لرغبات المشاهدين حضطر اقعد تاني بس خفوا عليا شوي

.,-,..,صمت()الجروح,..,-,. كتب:

نكمل مع تاني شخص ( admin ) ...أهلا بك على كرسي الإعتراف

اهلين يا صمت الجروح
شكرا لك ويعطيك العافيه


رح أطرح أسئلة اعتيادية رح أسألها لكل شخص يتم اختياره ... واذا حب أي عضو يضيف حاجة


الأسئلة الاعتيادية,,

بطاقــة تعارف :

الاســم : (الإسم الأول فقط)

عفرتوتة
هههههههه
تهاني


الجنسيـة:
فلسطينية الهوى والهوية


الدولة التي تقيمين فيها:
فلسطين

المدينــة:
خان يونس العز والشهاده

المؤهل العلمي:
بكالوريوس- التخصص لغة انجليزية
والفرعي علم نفس تربوي

العمل:
معلمة سابقا

*

لنتعرف عليك أكثر :

أجمل لحظاك متى تأتــي ؟
عند احساسك ان ربنا ومن ثمّ العالم راضيين عنك وضميرك مرتاح


- ماذا تكره..
مش شيء بعينه - بكره التخاذل والظلم والغباء والخيانه الخ

- ماذا تحب..
برضه مش شي بعينه -

- الشيء الذي يشعرك بالخوف ..
اكتر شي لما اشعر بمرض اي شخص بيهمني

- الشيء الذي يشعرك بالأمان ..
التزامي بديني وفرحة الناس حواليّ

- موقفٌ أضحكك ِ..
هههههههههههه كتير

- موقفٌ أبكـــاك ..
برضة كتير بس اخر شي لما شفت الاجانب باسطول الحرية عم بضحوا عشاننا والجيران نايمين

-موقف تتمنى أن تنساه للأبد ؟
صعب النسيان بس اي موقف بكون اتجرحت فيه احب انساه

- شخصيـة أثرت في حياتك ..
هو شخص استفدت كتير من علمه وثقافته لكن انضريت كتير من سلوكياته

- مثلك المفضّــل ..
كتير بس بحب المثل القائل:
اعمل خير وارميه البحر

•*الطموح الإصرار العنيد ربما كانت نتيجتهما واحدة
(وهي تحقيق الهدف ) فهل مررت بهما يوما ؟
اه كتير
خاصة لما كنت بشارك ببارمج ثقافية وكنت البنت الوحيدة تقريبا
ونافست شباب فلسطين بمسابقات وكانت احزاب ضدي
وبالاخير وبفضل من الله تغلبت عليهم

- ما هو السؤال الذي تريد أن نسألك إياه ؟
اخر كتاب قراته

- ما هو السؤال الذي لا تريدين أن نسألك إياه ؟
متى حتفصل الكهربا ههههههههه

ماهي طموحاتك؟و أمنياتك؟
اول شي اشوف وائل اخوية وعيلته
وبعدين حازم يرجع لسابق عهده
بتمنى اكتر شي احفظ القرءان كله
*

والآن هل أنتت قادرة على وصف نفسك في بضع كلمات

أو بعبارة واحــدة

انسانة همها قضية بلدها ومناها يرجع العرب لازدهارهم وتثقيف الجيل الناشيء
*

- ختامـا ،،

تأريخ لأي مناسبة

تود أن نتذكرها معك ..

لازم كل واحد فيكم يضل فاكر تاريخ احتلال فلسطين
15-5-1948

اوتار الحزن كتب:

اهلين تهاني

انا بالمرة الاولى سمعت الكلام وما صوتت لك

وكمان السلطان الحائر اخوية وما بتتخيروا عن بعض

بس هالمرة ما فيكي تهربي

اسئلتي اللي ضايقت مصطفى حطرحها عليكي برضه ههههههههههههههههههههه

وبعديها حختفي حفاظا على روحي

انتي يا بلوة ما بتصدقي على هالمواقف
جاي دورك

- قبل النوم هل بتفكري كتير؟ وبشو بتفكري غالبا؟
الحمدلله من وانا باللفة بنام دغري اول ما احط راسي عالمخدة
ولو بفكر طبعا حفكر بشو غير مشكلة التصحر بسويسرا
هي سويسرا فيها صحرا اصلا ؟هههههههه

-شو اكتر شي ندمتي عليه؟
يمكن خطوبتي السابقة و تخصصي لاني كنت بحب الاعلام والعلوم السياسية والعلوم اكتر من اللغات

- لو حياتك رواية شو عنوانها؟
سفاحة من الشرق هههههههههههههه

- هل بتحبي الغموض وهل شخصيتك غامضة للكثيرين؟
بحبه ومش بحبه - احيانا بتحبي تعرفي كل شي عن اشخاص غامضين وبتتعبي معهم
الشخص الذكي بيشوف شخصيتي كتاب مفتوح اما السطحي حيشوفني غامضة

الملاك الحزين كتب:

مرحباااااا توتا كيفك انا عندي كم سؤال بس راح تكون اسئلتي خفيفة وعادية جدا :

مراحب آية -
كيفي بعافيه حبتين

هههه هلأ نبدأ بالاحماء :
1-ماهي اكلتك المفضله؟ وماهي هوايتك؟؟وماهي الدوله
اللي نفسك تزوريها؟

المفتول
هوايتي الرئيسية القرااااااااااااءة
وبحب احيانا لما اكون رايقة ارسم او اكتب خواطر وبحب الرياضة والنت والمسابقات الثقافيه
الدول يلي بحب زيارتها : مصر - تركيا ماليزيا

*****************************************
معلوم لدى الكل .. أن لكل شخص نقطة قوة و نقطة ضعف ..

ماهي نقطة ضعفadmin؟؟
اهلي و اللي بحبهم والحلويات والزهور

****************************************

أين تجد ( admin ) نفسها في هذا الواقع ؟
صراحة مش لاقية نفسي كتير - حاسة اني من زمن اخر مع اني بتكيف
مع الظروف والناس بس بشعر اني بمتاهة ونفق ماله اخر

****************************************

ما هي نظرتكِ للحـــــــياة؟
نظرة تشاؤلية
يعني خليط بين التشاؤم و التفاؤل

****************************************

لو سمح لكي الامر ان توجهي كلمة يسمعها كل من في العالم بلغاتهم فماذا ستقولين فيها ولمن توجهينها ؟؟
بوجهها للعالم الحر
" لن تجدوا الامن والامان ولن تروا حمام السلام طالما ارض السلام تحت نير الاحتلال الذي اعطيتموه اسما وخريطة واعترفتم به وزرعتموه خنجرا
وسقيتمونا كأس المر حتى تنالوا من ديننا وتنالوا من امتنا - هيهات لن يكون لكم ذلك ونحن الحق ونحن من سيعيد مجد الاسلام ويرفع رايته بكل مكان حتى فوق منصات الفاتيكان"
تهاني فارس
***************************************

متى تلجئي للصمــت ؟!
لما بكون بحالة حزن وصدمة او تفكير عميق

***************************************

مآذا يعني لك المآضـي ؟!
كتاب مغلق افتحه متى شئت

***************************************

هههههههههههههههههه اسئلتي خفيفة صحيح هههههههههههههههههههه

هلأ راح اسأل آخر سؤال :

ما هو رأيك في الملاك الحزين (بصراحة وبدون مجاملات )

يعني جواب هالسؤال حتتوقعي شو
اممممم
ملاك وحزين هههههههههه
صراحة ما بقدر اعطي رايي فيكي على الرغم من وجود صلة قرابة بعيدة
لاني مابعرفك كتير ومافي بيننا غير كم حوار بسيط
بس من اللي شفته انتي
بنت طيبة وبتحب تتعلم كل شي ومرحة وحيوية
بس فاشلة بالمطبخ هههههههه

وبسس ولى عودة بأسئلة أخرى



عودي بس مش باسئلة
جيبي معاكي شوية حاجات حلوة

اللمجموعه التانيه:

- لو رجع الزمن للوراء اي حدث حابة تلغيه من حياتك؟

- لو سمعتي شي خبر عن شخص هل بتصدقي ولا بتحاولي تتاكدي؟

- ما الموهبة التي كنتي ترغبي في امتلاكها ؟

ما الشيء الذي لا تقوليه بصراحة للآخرين ؟

ما أجمل مرحله من عمرك...لماذا...!

- أنتي بتؤمني بالحظ فى حياتك؟

مراحب توتة

مشعشع الكرسي بنورك وبطلتك البهية هههههههههه


انا برجع بعد الفطور ان شاء الله , هلا ما في تركيز هههههههههه

والله يا عمتو وئعتي ههههههههههه
هلا دوري لاسألك اسئلتي كتير خفيف

أحد علماء النفس قالوا انه باستطاعة الانسان العيش بدون صديق فما رأيك انتي؟

لو تفاجئتي بخيانة صديق فكيف تتصرفين معه ؟

نفسك تعتذري لمين انتي غلطتي بحئه؟

لو بإيدك مصباح علاء الدين ومعك فرصة لتحققي أمنية واحدة فما هي ؟

هل تعترفي بشئ اسمه صداقة بين الشاب والفتاة ؟

ما هي تجربة تتمني ان تكرريها ؟

هل تعترين ان انجزتي في حياتك ؟

واخر سؤال لالك
لماذا لا تاتي لزيارتنا في بيتنا ؟

يا عمري يا تهاني هما كلهم عليكي بس انتي منوره الكرسي

ايه لما تجيبي لتهاني حاجات حلوه يا ريت تجبيلي معك شيبس بطعم الكاتشب والليمون_ ليون وكمان هاتيلي فطاير وعوامه لو سمحتي انا حاكل مع تهاني لاني ما راح احط اسئله هلأ بدي اتفرغ للأكل ههههههههههههههه

Angel كتب:

[size=24]كان نفسي أشارك المرة الأولى بس للأسف جهازنا عطل

هو على حظي تصلح

أبدا لأسأل عمتو حبيبتي : اتحملي غلبتنا شوي:

1)شو كان نفسك يكون في حياتك لكن مستحيل يتحقق؟
كنت حابة اكون بزمن ظهور الدجال ههههههههه
او فترة تحرير فلسطين
اهو بنحلم انه يصير هيك لكن مافي اي مبشرات

2)مين أكتر شخص يفهمك وتحسيه قريب من شخصيتك؟
هدول سؤالين بنفس الوقت لانه ممكن الشخص اللي بفهمني ما يكون قريب من شخصيتي
وبالعكس يعني اللي متل شخصيتي ممكن يكون ما بفهمني
وائل ورافت وتامر يعني و صديقاتي امنة وعطاف وهنا فاتن =الاشخاص اللي فاهمين شخصيتي كويس جدا
قريب من شخصيتي اممممممم مش شايفة حد بشبهني

3)متى كانت أحلى فترة من عمرك؟
كلهم فيهم الحو والوحش بس بحب فترة الطفولة

4)لو كنت مخيرة بين انك تبقي بغزة بظروفها وبين انك تعيشي ببلد تاني ما بتقطع فيه الكهربا ههههههه.شو بتختاري؟
هي المشكلة انحصرت بالكهربا؟ هههه
غزة او فلسطين بلدي اللي بتحضني وتشربت كل شي فيها
اكيد لو اضطريت اعيش برة حيكون لسبب مهم جدا يعني لو شخص يمثل لي اهمية و
اعتبرته هو كل اهلي بتطمن وحكون ببلده واهله - يعني المسالة تتوقف على شخصيته
وعلى ان كان من اسرة محترمة وطيبة

5)مين أكتر شخص من معارفك حابة تلتقي فيه ولو ليوم؟
لو قصدك الاقارب وائل - المعارف صديقتي امنة

6)شو لونك المفضل؟وشو اكتر اسم بتحبيه للبنت والولد؟
الاسود والبنفسجي والاحمر -
البنت سارة وتقى وشادن واهلة
الولد: يامن وابان

7)شو أحلى هدية حابة تهدى الك؟
ههههههههه ما بحب الغالية -
الزهور احلى لغة تحسي اهميتك لدى شخص وكمان الشيكولا

8)انا لاني بعرفك ما شاء الله انت عندك الثقة بالنفس؟لهيك شو الصفات الي تحبيها بنفسك؟
بقدر اتكيف بسرعه - بقدر تعمق جوة الشخصيات وافهمها - المسامحه- متعددة الاهتمامت

9)لما بتضايقي مين بخفف عنك همومك؟
لا احد

10)مين اكتر شخص من قرايبك تحسيه طيب كتير وحنون ؟ومين أكتر شخص خيب أملك في يوم من الأيام؟
اكتر شخص طيب وحنون وفيه كل الصفات الحلوة وائل بدون مبالغه ولا عندك راي تاني؟
اكتر شخص خيب املي: شخص كنت طايرة فيه و حسيت انه فاهمني وممكن يضحي عشاني ولو بشي بسيط
بس للاسف طلعت محملاه فوق طاقته واعلن انه متله متل غيره بده يعيش حياته والمظاهر ومسايرة الناس وتقليدهم اهم عنده

بكفيكي هاي الأسئلة هلأ وبعدين برجع بأسئلة جديدة

حياكي الله

سلام عليكم
كيفك خيتوووو




شويه ااسئله هههههههه

باقة ورد لمن تهديها ...؟؟

شخص لاترفض له طلبا ..؟؟

من هو توأم روحك ...؟؟

مالذي يشعرك بأكثر قدر من الحرج...؟؟؟



حمامة زاجل استقرت على نافذتك تحمل رسالة من مجهول فممن تتمنى

ان تكون...؟؟

-- من هو العضو اللي يستحق انه تقول عنه محبوب بين الاعضاء ؟

مين بنظرك بيعمل بجهد بالمنتدى ..؟؟

مرحبا ادمن
منورة

- هل انتي متشاؤمة

- ماذا تريدي من الدنيا؟

- هل تعتقدي انك انظلمتي بشيئ وبنفس الوقت ممكن تكوني ظالمة؟

-ماهو اجمل احساس مر بك؟

- انتي حاليا راضية عن نفسك

عمتو بحب اسمع واعرف عن قرايبي لاني بصراحة ما بعرف عمي وائل غير بالشكل وما بتذكر غير انو كان يلعبني ويطلعني على ظهره ويمشي فيني ههههههههه وبتمنى انا كمان اني شوفو والتقي فيه وبصراحة ماما أكتر وحدة حببتني فيه من كتر ما بتحكي عنه وانو بعتبرها أخته وهي بتعتبره أخوها الأصغر

كم قراتي بالامس من القرءان؟

كم وزنك

- هل انتي عصبية

- هل انتي خجولة؟



- ما مواصفات الشخص الذي تفضلي الارتباط به؟



- هل انتي رومانسية

- كم عدد افراد الاسرة المثاليه

- شو اكتر شي بمدحك فيه الناس شكلا وصفة؟

- اكتر مرض بيخوفك؟

- كيف بتتعاملي مع معاكسات الشباب

اتمنى لك اوقاتا سعيده وكلي امل ان لا تزعجك اسئلتي

-اعز الاصحاب عندك في النت؟

-_ شو بكون شعوركـ لما تكوني مظلومــة وما تقدري تدافعي عن حالك وتصيري غلط بنظر الكل وما حدا يصدق انـك مظلومــة ؟؟

-هل بتكونى صريحة بكل شئ معشخص بتحبيه؟

اهلين بالحجّة كرافوته

هل تفضلين الاقتران برجل يحبك اوتحبيه؟

ماهي المواصفات التي تجذبك الى الرجل؟

بتكوني صريحة اكثر مع الغرباء ام اقاربك؟

متى تلجئي الى الكذب؟

هل بتعتبري نفسك شخصية محبوبة او مكروهه؟

لو زوجك اهان امك ردة فعلك كيف حتكون؟

لو اقدمتي على مشروع وبعد فتره شعرتي انك حتخسري هل بتستمري او بتنسحبي مع بعض الخسائر؟

هل انتي مع الاخذ بالثار او قتل البنت بقضايا الشرف؟

- هل بتهتمي باراء المحيطين والمظاهر والتقاليد ؟

طبعا نفس الاسئله مع بعض التغيير

-هل تفعلين ما تقولينه هنا في المنتدى ؟؟؟

2-اعتذار لمين بتقدميه ...

3-ما ردة فعلك عندما يقول لك حبيبك : أحبك نعم أتزوجك لا ؟

4-ماذا ستكتبين لنا لتعبري عن حياتك التي عشتيها الى الان في كلمات قليله ؟

5-اذا اردت ان تبكي الان , فعلى من تبكي؟

6-من ستختارين ليمسح دموعك ؟

7-لو خيروك بين حبيبك وبين اعز صديق فمن تختارين ؟

8-ماهو تقييمك لمنتداكي بصراحه ؟ ( لا تحكيلي بدي راي الاعضاء ط انا بدي رايك انت )

9-من يسكن قلبك؟

10-هل تعتقدين ان حظك سيئ؟


11-هل هزمك حزنك في يوما من الايام؟[/size]

[size=16]12- تهاني ماذا تكون ردة فعلك وقت الغضب ؟؟؟


13-((مستحيل انساك)) لمن تقوليها ؟

14-((اللي راح راح وماتفيد كلمة ياريت )) إذا أردت ان توجهي هذه العباره لاحد , فماذا تقصدين بها ؟

15-((انت كل شيء بحياتي )) لمين تقوليها ؟

16-متى اخر مره بكيتي؟

17- تهاني ماذا يعني لك وائل ؟؟؟؟؟

18-هل لديك الجرأه ان تعترفي باخطاءك ؟؟؟

19-هل انت راضية عن نفسك ؟

20-بماذا تقري وتعترفي أمامنا الان ؟

21-اغمضي عينيك دقيقه لو سمحتي, ماذا خطر على بالك وانت مغمضة العينين ؟

22-هل تؤيدين الزواج العاطفي ام الزواج التقليدي ؟ ولماذا ؟

23-ايهما اهم شهادتك الجامعيه أم الزواج ممن تحبين ؟(ارجو عدم الهروب )

24-هل من الممكن ان تتحول الصداقه الى حب ؟

25-هل تعترفين بشيء اسمه الصداقه بين الرجل والمرأة ؟

26-هل كنت السبب في يوم من الايام ان تدمري حياة شخص سواء العمليه او الاجتماعيه او العاطفيه؟

27-هل انت مدمنة تفكير؟ هههههههههه

28-من هو اكثر شخص تفكرين فيه؟ ( اكيد رازي !! هههههه)

29-اذا تم تعيينك ملكة لجميع البلاد العربيه فماذا ستفعلين ؟(جبروت امرأة هههههه )

30-هل تكرهين شخص بشده في حياتك ؟

31-ما هو اقتراحك لوطني حياتي في ظل الأزمة المادية الخانقة ؟ههههههههههه

32-هل ملابس الشخص امامك تؤثر فيكي لتأخذي عنه انطباع ؟؟

33-ماالذي يلفت انتباهك بسرعه في الشخص لكي تعجبي به ؟

34-اذا احببت شخصا في الوقت الخطأ وفي المكان الخطأ فماذا تفعلين ؟؟

35-حكمة تؤمنين بها جدا؟؟

36-عاده تفعليها دائما تتمني ان تتركيها ؟

37-تهاني هل كونك صاحبة منتدى افضل ام عندما كان كنترول افضل ؟؟

38-ماذا تفعلين اول شيء اذا ربحتي ملايينا او مليونا عشان مانكون طماعين هههههههه ؟

39-هل انت من لديهم رغبة حب التملك واذا تملكتي الشيء اصابك الملل منه ؟
40-مارأيك في سؤالاتي ؟؟ وهل يسمح لي بالعودة ؟؟ ههههههههههه


حياتي توتة ... سامحيني

حياه قلبي كرافوته
بحبك لله في لله
بس ده مايمنعش اني اسئلك برده ههههههههههههه

نفسك في ايه دلوقتي حااااااااالا

.مين نفسك يسامحك و ليه

.مين ظلمك وظلمتي ميييييييين

.ايه احلا حاجة عملتيها لنفسك او لغيرك

ماهي الميزه التي تمتلكيها ولا يعرفها معظم الناس عنك؟

اذا تمكنتي ان تغيري شيء تم تربيتك عليه .. ماذا ستغيري؟

القنوات التلفزيونية المفضلة لديك ؟

من هو أهم شخصين في حياتك ؟

متى يقتلك الفضول ؟

افضل بيت شعر؟
افضل الماكولات؟
افضل المشروبات؟


احلى سنة من سنوات عمرك ؟
لقب تكرهي ان يطلقه الناس عليك؟
لقب تحبي ان يطلقونه الناس عليكي؟
قرار اتخذتيه وندمانة عليه ؟
شخص تتمني لو عرفتيه من زماااااااان؟
خبر افرحك ؟
خبر احزنك ؟

بااااااي

مرحبااااا كيفك وكيف الصوم والكرسي معك ههههه

يلا نبداء بالاسئلة

ماهو افضل منتدى قابلتيه؟

الحكمة التي تؤمنين بها؟

كابوس تريدين التخلص منه؟

ماهو البلد الذي تودي ان تستقري فيه لو اردت الهجرة؟

هل ترتاحي لاي صديقة جديد؟

اكتر شي تكرهيه بعصرنا هذا؟

اكثر اغنية تردديها؟

من هو افضل رجل الان؟

هل تحبي المجاملات؟

افضل و اوسوأ حدث العام الماضي؟

ماهيا قمة الالم بنظرك ؟

اوتار الحزن كتب:

المجموعه التانيه:

هو احنا ببطولة افريقيا ههههههههه
عاوزة اكون بالمجموعه لوحدي والعب لوحدي واتاهل على نفسي

- لو رجع الزمن للوراء اي حدث حابة تلغيه من حياتك؟

طب فكريني كدة متى عرفتك ههههههههه

- لو سمعتي شي خبر عن شخص هل بتصدقي ولا بتحاولي تتاكدي؟

بيعتمد على ناقل الخبر وبعدين احب اتاكد بنفسي لاني مش بحب اكون سفيهة
وفي آية بالقرءان حزرتنا ونبهتنا لهيك شغلة
""يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة , فتصبحوا على ما فعلتم نادمين "

- ما الموهبة التي كنتي ترغبي في امتلاكها ؟
نفسي اتعلم اعمل صلصال واعزف على كمانجة

ما الشيء الذي لا تقوليه بصراحة للآخرين ؟
يعني لو مشكلة خاصة بالاهل او لو كنت بحالة حب

- أنتي بتؤمني بالحظ فى حياتك؟
اؤمن بالقدر لانه من ربنا اما الحظ هاد شي الانسان يلي اختلقه وآمن بعضهم فيه ليبرروا تخاذلهم