جوا بلدنا ظاهره غريبه .,.......كله عارفها بس مداري
تسمع عنها في التخشيبه........ويسموها السم الهاري
تبديئ هي معاك بهديه..........بعد يومين تصبح ليها شاري
تخلص منك النقديه.............ما تلقاش تقول يا مراري
,,,,,,,,,,,,,,,
شيئ حقير كده متلون..........بيسموه هما البرشام
لما تعوز منه تمون .........اوعاك تسال ليه وبكام
وان حسوا انك بتخون.........ح يدولك حاجه وتنام
لان علاجك مش مدون.......ولا كاتبه دكتور عام
,,,,,,,,,,,,,,
والعجيب بقيت عاده.........تعرفها حتي النسوان
لما يلقوا الجو ساده.........يقولوا ليه قفل الدكان
لومافيش فلوس زياده.......قوم يا فلان بيع الحلقان
ولا اديهم انا للداده.........تروح تجيب لومن اسوان
,,,,,,,,,,,,,,,
ولما يكونلك خدمه ثمينه.....والي ماسكها راجل مقفول
شغل مخك يالا ياخينا........وخش عليه بواحده تامول
يقولك قرب ماتورينا........واقف ليه طلبك مقبول
تفضل روح وبكره تيجينا...وهاتلي معاك واحده ترامادول
,,,,,,,,,,,,,,
والي مبلي بالبرشام.........تلاقيه دايما مشغول
لان حياته بقت اوهام........وكله عنده بالكبسول
وقت النوم يقول ياسلام.....راسي فيها مزامير وطبول
الحق نفسك يالا قوام.......عقلك ح يتوه والصحه تزول
موضوع: قصيدة عن البرشام 
